Ինչպե՞ս կազմել ուժեղ ռեզյումե, եթե չունես աշխատանքային փորձ

LinkedIn-ը դարձել է աշխարհի ամենամեծ մասնագիտական հարթակը, որտեղ միլիոնավոր մասնագետներ կապեր են հաստատում, գտնում նոր հնարավորություններ և զարգացնում իրենց կարիերան։
Հայաստանում ևս LinkedIn-ի օգտագործումը օրեցօր աճում է․ այն դարձել է արժեքավոր գործիք թե՛ սկսնակ, թե՛ փորձառու մասնագետների համար, ովքեր ցանկանում են զարգանալ տեղական և միջազգային շուկայում։
Սակայն պարզապես էջ ունենալը բավարար չէ։ LinkedIn-ը առավելագույն արդյունավետությամբ կիրառելու համար անհրաժեշտ է սթրատեգիական մոտեցում՝ սկսած պրոֆիլի օպտիմիզացիայից մինչև կապերի ստեղծում։

LinkedIn-ը ձեր առաջին տպավորությունն է գործատուի համար։ Հետևաբար՝ ձեր պրոֆիլը պետք է լինի ամբողջական և պրոֆեսիոնալ։

• Օգտագործեք բարձրորակ, պաշտոնական լուսանկար
• Ավելացրեք հստակ և կոնկրետ վերնագիր (օր.՝ «Սկսնակ հաշվապահ», «Մարքեթինգի մասնագետ»)
• Գրեք ազդեցիկ “About” բաժին, որը ներկայացնում է ձեր հմտությունները, արժեքները և նպատակները
• Նշեք ձեր հիմնական ձեռքբերումները կամ նախագծերը՝ նույնիսկ եթե դրանք ուսանողական են

Նշեք ոչ միայն ձեր պաշտոնները, այլև կոնկրետ արդյունքները․

Օրինակ՝ «Կազմակերպել եմ սոցիալական մեդիա արշավ, որը բերել է 20% աճ ներգրավվածության մեջ»։

Եթե դեռ չունեք աշխատանքային փորձ, ընդգծեք կամավորական, ֆրիլանս կամ ուսանողական նախագծերը։

Այս ֆունկցիան թույլ է տալիս գործատուներին տեսնել, որ դուք բաց եք նոր հնարավորությունների համար։ Կարող եք նշել նաև հետաքրքրող ոլորտները կամ հաստիքները։

LinkedIn-ում կապերի քանակը կարևոր է, բայց դրանց որակն է որոշիչ։

• Միացեք նախկին դասընկերների, գործընկերների, դասընթացների մասնակիցների հետ։
• Մի ուղարկեք զանգվածային հրավերներ առանց անձնական հաղորդագրության։
• Օգտագործեք անհատական նամակներ՝ օրինակ՝

«Ողջույն, կարդացի ձեր հոդվածը մարքեթինգի մասին, շատ հետաքրքիր էր։ Ուրախ կլինեմ կապվել»։

LinkedIn-ի խմբերը հիանալի միջոց են սովորելու և մասնագիտական կապեր ձևավորելու համար։
Փնտրեք խմբեր՝ ըստ ձեր ոլորտի (օր.՝ Marketing, HR, Project Management) և մասնակցեք քննարկումներին։

LinkedIn-ը գնահատում է ակտիվությունը։ Եթե ցանկանում եք, որ գործատուները նկատեն ձեզ՝ պետք է լինեք տեսանելի։

• Կիսվեք հոդվածներով և փորձառություններով։
• Մեկնաբանեք այլ մասնագետների գրառումները։
• Հրապարակեք փոքր success story-ներ կամ մասնագիտական խորհուրդներ։

“Jobs” բաժինը LinkedIn-ի ամենահզոր գործիքներից է՝

• Կիրառեք ֆիլտրեր ըստ երկրի, փորձի մակարդակի, ոլորտի և աշխատավարձի
• Պահպանեք որոնումները և միացրեք ծանուցումները
• Կարդացեք ընկերությունների էջերը՝ հասկանալու համար նրանց արժեքներն ու մշակույթը

LinkedIn-ի միջոցով ստացվող հրավերները հաճախ ուղեկցվում են արագ հարցազրույցներով։
Ուստի նախապատրաստվեք՝ ուսումնասիրելով հարցազրույցների հարցերի ցանկը, գործատուի էջը և ձեր ոլորտի պահանջները։

LinkedIn-ը հզոր գործիք է, որը կարող է ամբողջությամբ փոխել ձեր կարիերայի ուղին։ Ճիշտ օպտիմիզացված պրոֆիլը, ակտիվ մասնակցությունը և ռազմավարական կապերը կարող են բացել այն դռները, որոնք ժամանակին անհասանելի էին թվում։
Մի սահմանափակվեք միայն էջ ունենալով․ դարձեք տեսանելի, արժեքավոր և վստահելի մասնագետ LinkedIn-ում։